الهند تطور أرخص جهاز كمبيوتر محمول في العالم سعره 35 دولارا..
نيودلهي (رويترز) - تمكنت الهند من تطوير أرخص كمبيوتر محمول في العالم وهو جهاز يعمل بتقنية اللمس ثمنه 35 دولارا فقط.
وأزاح وزير تنمية الموارد البشرية الهندي كابيل سيبال الستار عن الجهاز المخصص للطلاب وقال ان وزارته بدأت مفاوضات مع مصنعين عالميين للبدء في انتاج الجهاز بأعداد كبيرة.
وأبلغ الوزير مؤتمرا صحفيا "وصلنا الى مرحلة متطورة... فاليوم اللوحة الام والرقيقة الالكترونية ووحدة المعالجة والوصلات .. كل ذلك يتكلف حوالي 35 دولارا بما في ذلك الذاكرة والعرض وكل شيء."
وقال ان الجهاز الذي يعمل بطريقة اللمس على الشاشة مزود بمواقع لتصفح الانترنت وجهاز لقراءة ملفات (بي.دي.اف) وبرامج لمؤتمرات الفيديو وان مكوناته مصنوعة بمرونة كافية لاستيعاب اي مكونات جديدة وفقا لاحتياجات المستخدم.
واضاف سيبال أن الجهاز الذي يعتمد على نظام تشغيل لينوكس من المتوقع تقديمه الي مؤسسات التعليم العالي ابتداء من العام القادم لكن الهدف هو خفض سعره الي 20 دولارا ثم الى 10 دولارات في نهاية المطاف.
وطور الجهاز فرق بحثية في معهدي التكولوجيا الرائدين في الهند وهما المعهد الهندي للتكنولوجيا والمعهد الهندي للعلوم.
وتنفق الهندي حوالي ثلاثة بالمئة من ميزانيتها السنوية على التعليم في المدارس وحسنت معدلات القراءة والكتابة الي أكثر من 64 بالمئة من جملة عدد سكانها البالغ 1.2 مليار نسمة لكن دراسات أظهرت ان العديد من الطلاب يمكنهم بالكاد القراءة او الكتابة وان معظم المدارس الحكومية تفتقر الي تجهيزات كافية.
بعض التعليقات ^_^
يا جماعه ما تتعلموا تعلقوا
احنا بنمثل بلدنا ب ال 80 مليون اللى فيها لازم يبقى فيها كل حاجه ....الخ احنا بقى المفروض فاهمين ولا ايه؟؟؟
الصح ايه
لكل مقام مقال ايه المشكله ايه اللى جاب سيرة .....وغيره وغيره دلوقتى
يعنى انا افتكرت جهاز كنت بشتغل عليه فى شركه عارفين جهاز الكمبيوتر الابيض اللى اول ما طلع ده ومعترضتش على شغلى وساعات كنت بلمح علشان بيفصل بور ابقى بكتب وثانيه يضييع اللى بعمله اتوماتيكياً يقولوا على بتلكك
اللى عاوز يشتغل .........؟
جتلى فكرة ليه منعدش اصلاحها ده مفيش بيت فينا اللى ونلاقى جهاز زى ده مرمى
لودخلنا فيها شويه اضافات يبقى احلى
ومش مهم الشكل واحنا ما يتباع بالشيىء الفلانى واجزاء ويدخل فى اجهزة تانيه بس اهو علشان الحال يمشى وهيقبلنا مشاكل علشان فعلاً
لكل مقام مقال
تأنوا ارجوكم
احنا صورة لبلدنا مع اخلاصى
وفاء عبد اللطيف
حسبى الله ونعم الوكيل
حسبى الله ونعم الوكيل في الريس والحزب الحاكم لأننا عندنا عقول أفضل من الهند ولكن اللي ماسكين البلد عندهم بيحبوا بلدهم واللي ماسكين البلد عندنا بيحبوا أنفسهم
فرصة للحرامية فى بلدنا
الجهاز تكلفته 35 دولار
بكرة ينزل بلدنا و يتباع بـ 350 دولار
كما تعودنا من الحرامية و أصحاب الجشع
مين اللى احسن يا عم انت
واضح انك مبتعرفش تقرأ الخبر كويس
يا بيــة البلد اللى انت بتقول اننا احسن منها
عملت كمبيوتر محمول ثمنه 35 دولار ومنتظر سعرة يبقى 10 دولار
يا بيــه عدد سكان الهند 1.2 مليار نسمة ومسمعتهمش مثلا بيشتكوا من زيادة سكانية
يا بيــه الهند عندها سلاح نووي من قبل ما تعمل انت في مصر الكبري الدائري
فعلا احنا احسن كتير من الهند يكفي ان عندنا عبقري زيك وهما معندهمش :d
يا جماعة
احنا هنا فى مصر لو حد اشتغلك هتقولوا ايه يا عم انت فاكرنى هندى ...
تعرفوا الهنود لما حد بيشتغلهم بيقولوا ايه يا صديق انت فاكرنى مصرى ....
ويجعلوا عامر يا مصر
سؤال
لو الجهاز ده انتشر ودخل مصر هيبقى سعره بكام؟ يا ترى و زير الماليه حامل اسم معروف تاريخه فى مصر من مئات السنين هيخليه بكام؟ كمان مالكم ياقراء بتتهجموا كده و حاسدين الهند محنا عندنا دينا و سعيد الصغير هما عندهم زى دول؟ فيه واحده فى الهند بتعرف تهز زى المصريه؟
خفض سعره
تخيلوا سيتم في النهاية خفض سعره إلى 10 دولار يعني أما تحولهم مصرى يطلعوا كيلو لحمة مشفية لو قبل الجزار أن يشفيها
10 دولار !!! ويعمل باللمس !!
أين أنت يا وزارة البحث العلمى !! أنا ما سمعتش أبدا أننا بنقدم أى أختراعات للبشرية اللهم إلا إجتهادات فردية من أفراد عباقرة ولكن طبعا يصطدموا بجار الواقع المرير عند تسجيل براءة أختراع ولا عند البحث عن أعتماد لدعم مخترعاتهم
فعلا .... صدق من قال همو أنت شايفنى هندى؟؟؟؟؟
أين نحن الأن من هذا وهل هناك فى الهند بيقولوا ليه؟ هو أنت شايفنى مصرى؟
أفضل عقول في العالم لكنها معطلة
عليه العوض أهم حاجة كيلو اللحمة بلا وجع قلب أحنا هناكل ولا نشترى كمبيوترات
مش بنشتم فى مصر
احنا بس مش عاجبنا الحكومه
يعنى الهنود بيحبوا بلدهم على فقرها ايوه ليه لانهم عارفين ان الحكومه هما اللى منتخبينها وبتعمل على قد ما تقدر ولو ماعملتش حنشيلها ونحط حكومه تانيه
لكن عندنا لا كل حاجه زفت فى زفت ومافيش حد عايز يتزحزح من كرسيه
يبقى ليه مانشتمش فيهم
ختراع زي ده مينفعش في مصر لاسباب كتيره
اولاً : 35 دولار في جهاز كمبيوتر انتا بتستهبل ؟؟ والبشوات التجار يكسبوا فيه ايه ؟؟
ثانياً : اعتقد كل الناس فاكره عربيه تاتا الهنديه ارخص سياره في العالم كانت نازله بسعر 2000 دولار واتباعت في مصر بـ 50 الف جنيه ... وده طبعاً علشان المعلمين الكبار ميتاخدش منهم السوق
ثالثاً :
ورابعا
وخامساً
وسادساً
وعاشراً
وعشرتاشر الف وخمسميه سته وسبعين
انتا في بلد روتيني ... علشان تعمل حاجة زي دي قدامك 99 سنه علشان تقدر تعملها , يعني تكون بقيت لواء اركان حرب تحت التراب
يا عم بلا صداع على الصبح
دا الفانووووووووس المصري اللي هوا عادات وتقاليد مصر ... بقينا نستورده من الصين ..
بلا وكسه
العدد
الصين 1,711,851,888
الهند 1,147,995,904
مصر 83.082.869
الناس دي شغالة ازاي
هم المسئولين عندنا مسمعوش عنهم قبل مايقولو ان سبب تأخرنا هو عددنا
ماذا لو
لو اننا مثلكم نهتم بالبحث العلمى
لو اننا تركنا ما لا يعنيننا
لو تعدل الخطاب الاعلامى لتحفيز الشباب على الابتكار بدلا من الهائهم باخبار جدو والعميد وزفت وطين
لو انفقنا على البحث العلمى مثل ما نفق على فوازير رمضان (التى لا علاقه لرمضان بها )
لو انتجنا جهاز مثل جهازكم ارخص من ثمن بدلة رقص شرقى
ربنا يستر ونفيق من احلامنا ونعرف اننا فى مصر التى تسخر من الهند وفى امثالنا الغبيه ( انت موش فاهم وانت هندى ؟؟؟)
حد هيعلق ؟؟
احدث المواضيع:
- الهند تطور أرخص جهاز كمبيوتر محمول في العالم...
- مصرع عامل محارة سقط من أعلى أحد العقارات...
- مصرع عجوزان داخل شقتهم بالمعادى الجديدة
- النيابة تحقق مع الفنان أحمد السعدني لقتله...
- ماس كهربائي يتسبب في حريق بالبنك الوطني...
- إصابة سيدة بدوية وشرطي في حادثتين إطلاق نار...
- النيابة توجه تهمة القتل الخطأ لأحمد صلاح...
- ضبط محامى وخمسة آخرين ينقبون عن الآثار بمنزل...
- طبيب يتعدى على لجنة العلاج الحر بالغربية...
- ضبط 2 من المتهمين بفتح النار على سيارة...
رد مع اقتباس
مواقع النشر (المفضلة)